ചെന്നൈ: തമിഴ്നാട്ടില് നിയമസഭാ തെരഞ്ഞെടുപ്പിനുള്ള അന്തിമ സ്ഥാനാര്ഥി പട്ടികയായി. 4023 സ്ഥാനാര്ഥികളാണ് സംസ്ഥാനത്ത 234 മണ്ഡലങ്ങളിലായി മത്സരിക്കുന്നത്.മുന്മന്ത്രിയും അണ്ണാ ഡിഎംകെ നേതാവുമായ എംആര് വിജയ ഭാസ്കര് മത്സരിക്കുന്ന കരൂരിലാണ് ഏറ്റവും കൂടുതല് സ്ഥാനാര്ഥികള് ഉള്ളത്. 79 പേര്. ഡിഎംകെ പ്രസിഡന്റും മുഖ്യമന്ത്രിയുമായ സ്റ്റാലിനെതിരെ കൊളത്തൂരില് 34 പേരാണ് മത്സരിക്കുന്നത്. നടന് വിജയ്ക്കെതിരെ പെരുമ്പാവൂരില് 46 പേര് രംഗത്തുണ്ട്. സ്റ്റാലിന്റെ മകന് ഉദയനിധിക്കെതിരെ ചെപ്പോക്കില് 25 പേരാണ് മാറ്റുരയ്ക്കുന്നത്. ഡിഎംകെ നേതാവും മന്ത്രിയുമായ പികെ ശേഖര് ബാബുവിനെതിരെ 22 പേര് മത്സരിക്കുന്നുണ്ട്.
വനംകൊള്ളക്കാരന് വീരപ്പന്റെ ഭാര്യക്ക് പിന്നാലെ മകളും തമിഴ്നാട് നിയമസഭാ തെരഞ്ഞെടുപ്പില് കളത്തിലിറങ്ങുന്നു. വീരപ്പന്റെ ഭാര്യ മുത്തുലക്ഷ്മി കൃഷ്ണഗിരിയില് മത്സരിക്കുമ്പോള് മകള് വിദ്യാറാണി മേട്ടൂരില് നാം തമിഴര് കക്ഷിയുടെ സ്ഥാനാര്ഥിയാണ്. 35 കാരിയായ വിദ്യാറാണി അഭിഭാഷകയാണ്. വീരപ്പനെ കൊടുംകുറ്റവാളിയായല്ല, മറിച്ച് തമിഴ് അവകാശങ്ങളുടെ സംരക്ഷനായാണ് അമ്മയും മകളും ചിത്രീകരിക്കുന്നത്.
