ട്രാഫിക് വാർഡനോട് ലൈംഗിക അതിക്രമം പ്രതി അറസ്റ്റിൽ

തിരുവനന്തപുരം: മെഡിക്കൽ കോളേജ് ക്യാമ്പസിൽ ഡോക്ടർമാരുടെ വാഹനങ്ങൾ
പാർക്ക് ചെയ്യുന്ന പാർക്കിംഗ് ഏരിയയിൽ ട്രാഫിക് വാർഡനായി ജോലി നോക്കി വരുന്ന
വനിതയോട് ലൈംഗികാതിക്രമം നടത്തിയ പ്രതിയെ മെഡിക്കൽ കോളേജ്
പോലീസ് അറസ്റ്റ് ചെയ്തു. കൊച്ചുള്ളൂർ വൃന്ദ ഭവനിൽ വിശാഖ് ആണ് പിടിയിലായത്.
20 ന് 4.00 മണിയോടെ മെഡിക്കൽ കോളേജ് ഡോക്ടർമാരുടെ വാഹനങ്ങൾ പാർക്ക് ചെയ്യുന്ന ഏരിയയിൽ ട്രാഫിക് വാർഡനായി ജോലി നോക്കി വന്ന ആവലാതിക്കാരിയോട് നോ പാർക്കിംഗ് ഏരിയയിൽ പാർക്ക് ചെയ്ത പ്രതിയുടെസുഹൃത്തിന്റെ വാഹനം മാറ്റാൻ നിർദ്ദേശിച്ചതിന്റെ വിരോധത്താൽ പ്രതി
ആവലാതിക്കാരിയെ ചീത്ത വിളിക്കുകയും പ്രതി പാൻസിന്റെ സിബ്ബ് ഊരി കാണിക്കുകയും
ചെയ്തു.
പ്രതിയായ വിശാഖ് അടിപിടി, അക്രമം തുടങ്ങിയ 9-ഓളം കേസുകളിൽ പ്രതിയാണ് .
എ.സി.പി സുരേഷിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഗിരിലാൽ, വിപിൻ, തോമസ് ,മുഹമ്മദ് യാസീൻ, സുരേഷ്,ഷാജി, അരുൺ,ബിജിത്ത്
,മുബാറക്ക്, പ്രശാന്ത് എന്നിവരാണ് പ്രതിയെ പിടികൂടിയത്. പ്രതിയെ കോടതി റിമാൻഡ്
ചെയ്തു