ബലിതർപ്പണം കഴിഞ്ഞയുടൻ ഗൃഹനാഥൻ കുഴഞ്ഞു വീണ് മരിച്ചു

കാട്ടാക്കട: കർക്കടക വാവ് ബലികർമം കഴിഞ്ഞയുടൻ ഗൃഹനാഥൻ കുഴഞ്ഞുവീണ് മരിച്ചു. നെയ്യാർഡാം മരുതുംമൂട് ശ്രീജാ ഭവനിൽ വിദ്യാധരൻ ആണ് മരിച്ചത്. മങ്കാരമുട്ടം നെയ്യാർ മുകുന്ദറ പാലത്തിന് സമീപമുള്ള പാറയിൻ കടവിൽ വ്യാഴാഴ്ച രാവിലെ പത്തോടെയായിരുന്നു സംഭവം. ബലിതർപ്പണം പൂർത്തിയാക്കിയ ശേഷം ആറ്റിൽ നിന്നും കരയിൽ കയറിയ ഉടൻ കുഴഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഭാര്യ: സുലോചന.
മക്കൾ: ശ്രീജ, സുധീർ, സുധീഷ്.
മരുമക്കൾ: രാജി, ശാലു, സുരേഷ്.