വക്കം:ഇന്ത്യൻ സ്വാതന്ത്യത്തിന്റെ എഴുപത്തിഞ്ചാം വാർഷികത്തിൽ “അറിവിലൂടെ സ്വാതന്ത്ര്യം” എന്ന മുദ്രാവാക്യം ഉയർത്തിപ്പിടിച്ചു കൊണ്ട്
പുസ്തകങ്ങൾ ലൈബ്രറിയ്ക്ക് സംഭരിച്ച് നൽകുന്ന ബാലസംഘം കടയ്ക്കാവൂർ മേഖലയുടെ പരിപാടിയ്ക്ക് കല്ലൂർക്കോണം യൂണിറ്റിൽ തുടക്കമായി. സി പി ഐ എം ലോക്കൽ കമ്മിറ്റിയംഗം സുധീന്ദ്രൻ, യൂണിറ്റ് മുഖ്യരക്ഷാധികാരി നസീർ, ബാലസംഘം മേഖലാ കൺവീനർ രാഹുൽ പി, യൂണിറ്റ് രക്ഷാധികാരി മുഹമ്മദ് ആഷിക് എന്നിവർ ചടങ്ങിൽ സംബന്ധിച്ചു.
ബാലസംഘം കല്ലൂർക്കോണം യൂണിറ്റ് വൈസ് പ്രസിഡന്റുമാരായ അഭിജിത്ത്, മഹിമ എന്നിവർ പുസ്തകങ്ങൾ കല്ലൂർക്കോണം ഇ എം എസ്
ഗ്രന്ഥശാല ലൈബ്രേറിയ ഷീജയ്ക്ക് കൈമാറി. യൂണിറ്റംഗങ്ങളായ വരലക്ഷ്മി, വിഷ്ണുപ്രിയ, സീപേൾ അൻവർ, ആദിൽ, മിഥുൻ, അമൽജിത്ത്, ഗൗതം ഇവർ സന്നിഹിതരായിരുന്നു. ശേഷം കുട്ടികൾ
ലൈബ്രറിയിൽ മെമ്പർഷിപ്പും എടുത്തു.
