തോട്ടയ്ക്കാട് ശ്രീലക്ഷ്മി മെമ്മോറിയൽ ട്രസ്റ്റ് വീരകേരളപുരം ശ്രീകൃഷ്ണസ്വാമി ക്ഷേത്രത്തിലേക്ക് പുതുതായി നിർമിച്ചു നൽകുന്ന സ്റ്റേജിൻറെ സമർപ്പണവും
അതിനോട് അനുബന്ധിച്ച് ശ്രീപാദം ട്രസ്റ്റ് പുതുക്കിപണിത ഓഡിറ്റോറിയത്തിന്റെ ഉദ്ഘാടനവും 17 / 08 / 2022 ബുധനാഴ്ച (ചിങ്ങം ഒന്ന്) രാവിലെ 10 മണിക്ക് മുൻ മിസോറാം ഗവർണർ കുമ്മനം രാജശേഖരൻ ഉദ്ഘാടനം ചെയ്യുകയും തിരുവനന്തപുരം മാതാ അമൃതാനന്ദമയി മഠം, മഠം അധിപതി സ്വാമി ശിവാമൃതാനന്ദജി, സ്റ്റേജ് സമർപ്പണവും അനുഗ്രഹ പ്രഭാഷണവും നടത്തുന്നതാണ്.
ശ്രീപാദം ട്രസ്റ്റ് പ്രസിഡൻറ് തോട്ടയ്ക്കാട് ശശി അധ്യക്ഷത വഹിക്കുകയും ട്രസ്റ്റ് സെക്രട്ടറി വി സി അഖിലേഷ് സ്വാഗതവും ട്രസ്റ്റ് വൈസ് പ്രസിഡൻറ് അഡ്വക്കേറ്റ് വിജയമോഹനൻ നായർ കൃതജ്ഞത രേഖപ്പെടുത്തുകയും ദ്വാരക മോഹനൻ, പ്രസന്നകുമാർ, ചന്ദ്രമോഹനൻ (ട്രഷറർ) എന്നിവർ സംസാരിക്കുകയും ചെയ്യും. ക്ഷേത്ര ഊട്ടു പുരയിൽ നടക്കുന്ന അന്നദാനത്തിലേയ്ക്ക് വൈകിട്ട് നൃത്ത സന്ധ്യയും ഉണ്ടായിരിയ്കും.
18 /08/2022 വ്യാഴാഴ്ച ശ്രീകൃഷ്ണ ജയന്തിയോടനുബന്ധിച്ച് രാവിലെ 8. 30 മുതൽ
ലക്ഷാർച്ചനയും 10 മണിമുതൽ കഞ്ഞി സദ്യയും വൈകിട്ട് മൂന്നുമണി മുതൽ
കുട്ടികളുടെയും മുതിർന്നവരുടെയും ഉറിയടിയും ഉണ്ടായിരിക്കും. വിവിധ കേന്ദ്രങ്ങളിൽ നിന്നും ഒഴുകിയെത്തുന്ന ജന്മാഷ്ടമി ശോഭയാത്ര ആറുമണിയോടെ ക്ഷേത്രത്തിൽ എത്തിച്ചേരുന്നു. തുടർന്ന് പ്രസാദ വിതരണവും 7 മണി മുതൽ കലാപരിപാടികളും ഉണ്ടായിരിക്കുന്നതാണ്.
