വർക്കല സ്വദേശി വാഹനാപകടത്തിൽ മരിച്ചു

വർക്കല: വർക്കലയിൽ വാഹനാപകടത്തിൽ ഒരാൾ മരിച്ചു. വർക്കല കുരക്കണ്ണി സ്വദേശി രാജേഷ് 46 വയസ്സ് ആണ് മരിച്ചത്. സ്കൂട്ടറിൽ യാത്ര ചെയ്യുകയായിരുന്ന രാജേഷ് വർക്കല താലൂക്ക് ആശുപത്രിക്ക് സമീപം നിർത്തിയിട്ടിരുന്ന കാറിനു പുറകിൽ വന്നിടിക്കുകയായിരുന്നു. കാറിന്റെ ഗ്ലാസ് പൊട്ടി രാജേഷിന്റെ കഴുത്തിൽ കുത്തി കയറുകയായിരുന്നു. സംഭവസ്ഥലത്ത് വെച്ച് തന്നെ മരണം സംഭവിച്ചു. ഇന്നലെ രാത്രി 11 മണിയോടെയായിരുന്നു സംഭവം. വർക്കല പൊലീസ് എത്തി മേൽനടപടികൾ സ്വീകരിച്ചു.