മഴയെ അവഗണിച്ച് ഭാരത് ജോഡോ യാത്ര ആറ്റിങ്ങലിൽ

ആറ്റിങ്ങൽ: രാഹുൽ ഗാന്ധി നയിക്കുന്ന ഭാരത് ജോഡോ യാത്ര ആറ്റിങ്ങൽ നഗരത്തിൽ പ്രവേശിച്ചു. ഇന്ന് രാവിലെ ഏഴിന് കഴക്കൂട്ടം അൽസാജിന് സമീപത്തു നിന്ന് ആരംഭിച്ച യാത്ര മഴയെ അവഗണിച്ച് മുടക്കമില്ലാതെ തുടരുകയും പത്തരയോടെ മാമത്ത് എത്തി ചേരുമെന്നാണ് കണക്കാക്കുന്നത് .ഇപ്പോൾ കോരാണി കഴിഞ്ഞിരിക്കുന്നു. മാമം എസ്.എസ് പൂജ കൺവൻഷൻ സെന്ററിൽ ആണ് വിശ്രമം ഒരുക്കിയിട്ടുള്ളത്. ഉച്ചക്ക് രണ്ടിന് ഗ്രാമീണ തൊഴിലുറപ്പ് തൊഴിലാളികളുമായി രാഹുൽ ഗാന്ധി ആശയവിനിമയം നടത്തും. 2.30ന് കമ്മ്യൂണിസ്റ്റ് മാർക്സിസ്റ്റ് പാർട്ടി (സി.എം.പി) നേതാക്കളുമായുള്ള കൂടിക്കാഴ്ചയും 2.45ന്
കെ-റെയിൽ വിരുദ്ധ സമര സമിതി പ്രതിനിധികളുമായി ചർച്ചയും നടക്കും. നാലിന് യാത്ര പുനരാരംഭിക്കും. വൈകുന്നേരം 7ന്
കല്ലമ്പലത്ത് യാത്ര സമാപിക്കും. സമാപന പൊതുസമ്മേളനത്തിൽ ദേശീയ, സംസ്ഥാന നേതാക്കൾ പങ്കെടുക്കുന്നു.