മലപ്പുറം: കോണ്ഗ്രസ് നേതാവും മുന് മന്ത്രിയുമായ ആര്യാടന് മുഹമ്മദ് അന്തരിച്ചു. 87 വയസ്സായിരുന്നു. കോഴിക്കോട് സ്വകാര്യ ആശുപത്രിയില് ചികിത്സയിലിരിക്കെ ഞായറാഴ്ച രാവിലെയായിരുന്നു അന്ത്യം. അണുബാധയെ തുടര്ന്ന് ഒരാഴ്ചയായി ഐസിയുവില് ആയിരുന്നു. തിങ്കളാഴ്ച രാവിലെ 9 മണിക്ക് നിലമ്പൂര് മുക്കട്ട വലിയപള്ളി ജുമാ മസ്ജിദില് ഖബറടക്കം നടക്കും. ഇന്ന് നിലമ്പൂരിലെ വീട്ടില് പൊതുദര്ശനത്തിന് വെക്കും.
കോണ്ഗ്രസ് നേതൃത്വനിരയിലെ കരുത്തുറ്റ നേതാവാണ് ആര്യാടന്. മുന്നണിയിലെ രണ്ടാമത്തെ കക്ഷിയായ മുസ്ലീം ലീഗിനെ വിമര്ശിക്കാന് അദ്ദേഹം ഒരിക്കലും മടി കാണിച്ചിട്ടില്ല. ഇതിന്റെ പേരില് ലീഗില് നിന്ന് കടുത്ത വിമര്ശനമുണ്ടായിട്ടും അദ്ദേഹം നിലപാടുകളില് നിന്ന് പിന്നോട്ട് പോയില്ല
