ലഹരിമുക്ത കേരളം “ഞങ്ങളും കൂടെയുണ്ട്” എന്ന മുദ്രാവാക്യമുയർത്തി സാംസ്കാരിക വേദിയും, വൈ.എം.സി മൂതലയും സംയുക്തമായി സംഘടിപ്പിച്ച സാംസ്കാരിക സന്ധ്യ വർക്കല എം.എൽ.എ അഡ്വ:വി.ജോയി ഉദ്ഘാടനം ചെയ്തു. പള്ളിക്കൽ ഗ്രാമ പഞ്ചായത്ത് പ്രസിഡന്റ് എം.ഹസീനയുടെ അദ്ധ്യക്ഷതയിൽ കൂടിയ യോഗത്തിൽ വർക്കല എക്സൈസ് സർക്കിൾ ഇൻസ്പെക്ടർ പി.എസ്.ഹരികുമാർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. ഗ്രാമപഞ്ചായത്ത് വൈസ് പ്രസിഡന്റ് എം.മാധവൻകുട്ടി, വികസനകാര്യ സ്റ്റാൻഡിംഗ് കമ്മിറ്റി ചെയർപെഴ്സൺ എസ്സ്. ഷീബ എന്നിവർ പങ്കെടുത്തു. ഇക്കഴിഞ്ഞ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെ അനുമോദിച്ചു. യോഗത്തിന് സാംസ്കാരിക വേദി ഭാരവാഹികളായ യു.സന്തോഷ്കുമാർ സ്വാഗതവും, എം. നജീബ് നന്ദിയും രേഖപ്പെടുത്തി. തുടർന്ന് തിരുവനന്തപുരം യാമി മ്യൂസിക് ബാന്റ് അവതരിപ്പിച്ച മ്യൂസിക് ഫ്യൂഷനും അരങ്ങേറി.
