വർക്കലയിൽ കിണർ പണിയ്ക്കിടയിൽ തൊഴിലാളികൾ കിണറ്റിൽ വീണു. വർക്കല തച്ചോട് സ്വദേശികളായ വേണു(46), കൂട്ടൻ(44) എന്നിവരാണ് കിണറ്റിൽ വീണത്. ഇവരെ വർക്കല ഫയർഫോഴ്സ് സ്ഥലത്തെത്തി പുറത്തെടുത്തു. ഗുരുതര പരിക്കുകളോടെ ഇവരെ വർക്കല താലൂക്ക് ആശുപത്രിയിൽ നിന്നും പാരിപ്പള്ളി മെഡിക്കൽ കോളേജിലേക്ക് മാറ്റി.
കിണറ്റിൽ ചാരം കെട്ടി കിണറിന്റെ കൈവരി സിമന്റ് പൂശുന്നതിനിടെ ചാരം തകർന്നാണ് കിണറിലേക്ക് പതിച്ചത്. 80 അടി താഴ്ചയുള്ള കിണറിൽ ഏകദേശം എട്ടടിയോളം വെള്ളവും ഉണ്ടായിരുന്നു. വർക്കല ശിവഗിരിയിൽ വൈഷ്ണവി ഭവനത്തിൽ ദീപുവിന്റെ ഉടമസ്ഥതയിലുള്ള കിണറ്റിലാണ് അപകടം നടന്നത് .
