കണ്ടെയ്നർ ലോറി നിയന്ത്രണം തെറ്റി ഊരുണ്ട് മാറി റോഡ് മുറിച്ചു കടന്ന് എതിർവശത്തെ മതിലിൽ ഇടിച്ചു നിന്നു. ഒഴിവായത് വൻ ദുരന്തം. എരുത്താവൂർ മുക്കം പാലമൂട് റോഡിന് സമീപം ലോഡ് ഇറക്കുകയായിരുന്നപ്പോഴാണ് സംഭവം. ഉച്ചക്ക് ഒന്നര മണിയോടെ സമീപത്തെ ഷാഹിന ട്രെടേഴ്സിൽ ലോഡ് ഇറക്കാനായി എത്തിയ കണ്ടെയ്നർ ആണ് അപകടത്തിൽപെട്ടത്. തിരക്കേറിയ റോഡിൽ ഈ സമയം വാഹനങ്ങൾ കടന്നു പോകാത്തതും വഴിയാത്രക്കാർ ഇല്ലാതിരുന്നതും കൊണ്ട് അനിഷ്ട സംഭവങ്ങൾ ഒഴിവാക്കി.
ഈ സമയം വാഹനത്തിൽ ഡ്രൈവർ ഉണ്ടായിരുന്നില്ല. വൈദ്യുതി പോസ്റ്റിനും മതിലിനും ഒക്കെ തകരാറുണ്ട് വാഹനത്തിൻറെ മുൻഭാഗവും തകർന്നിട്ടുണ്ട്. സ്ഥലത്ത് പോലീസ്, കെഎസ്ഇബി അധികൃതർ എന്നിവർ എത്തി. ഇപ്പോൾ ക്രെയിൻ ഉപയോഗിച്ച് വാഹനത്തെ മാറ്റാനുള്ള ശ്രമത്തിലാണ്. നിലവിൽ മൂന്ന് മണിക്കൂറോളം ആയി. ഇതുവരെയുള്ള ഗതാഗതം തടസ്സപ്പെട്ടു. ബാലരാമപുരം തിരുവനന്തപുരം ഭാഗത്ത് നിന്ന് കാട്ടാക്കട ഭാഗത്തേക്ക് വരുന്ന വാഹനങ്ങളെ മുക്കംപാലമൂട് വഴിയും കാട്ടാക്കട ഭാഗത്ത് നിന്നും ബാലരാമപുരത്തേക്ക് വരുന്ന വാഹനങ്ങളെ എരിത്താവൂർ വഴിയും തിരിച്ചു വിടുകയാണ്.
