അന്തിയൂർകോണം മൂങ്ങോട് മെത്ത കച്ചവട സ്ഥാപനത്തിൻ്റെ ഗോഡൗൺ തീ പിടിച്ചു. മെത്തകൾ പൂർണ്ണമായി കത്തി നശിച്ചു. രാവിലെയോടെയായിരുന്നു സംഭവം. കാട്ടാക്കട അഗ്നിരക്ഷാ സേന തീ കെടുത്തി. ആളപായമില്ല. സമീപത്ത് നിരവധി വീടുകൾ ഉണ്ടായിരുന്നു. മെത്ത തീപിടിച്ച് ആളി പടർന്നതോടെ സമീപ വീടുകളിലേയ്ക്ക് പടരുമോ എന്ന ആശങ്ക ഉണ്ടായിരുന്നു. അഗ്നിരക്ഷാ സേനയുടെ തീവ്ര പരിശ്രമം തീ നിയന്ത്രണ വിധേയമായി കെടുത്തിയതിനാൽ മറ്റിടങ്ങളിലേക്ക് പടർന്നില്ല. ഷോർട്ട് സർക്യൂട്ട് കാരണമാണ് തീ പിടിത്തം ഉണ്ടായതെന്നാണ് പ്രാഥമിക നിഗമനം.
