കൊല്ലത്ത് ബൈക്ക് അപകടത്തിൽ യുവാവിന് ദാരുണാന്ത്യം

കൊല്ലം: ചാത്തന്നൂർ കോഷ്ണക്കാവ് വാർഡിൽ ജെ ജെ ഭവനിൽ ജയകുമാറിന്റെ മകൻ ജിതിൻ(24 വയസ്സ്) വാഹനാപകടത്തിൽ മരണപ്പെട്ടു. ഇന്നലെ വൈകുന്നേരം എറണാകുളത്തുള്ള റിക്രൂട്ടിംഗ് ഏജൻസിയിലേയ്ക്കുള്ള യാത്രയിൽ ആലപ്പുഴ വച്ചായിരുന്നു അപകടം. കൃത്യസമയത്ത് ട്രെയിൻ ലഭിക്കാതെ വന്നതുകൊണ്ട് യാത്ര ബൈക്കിലാക്കുകയായിരുന്നു. സുഹൃത്ത് ഓടിച്ച് ബൈക്കിന്റെ പിന്നിലിരുന്ന് യാത്ര ചെയ്ത ജിതിൻ റോഡിലേക്ക് തെറിച്ചുവീണു മരണപ്പെടുകയായിരുന്നു. ആലപ്പുഴ വണ്ടാനം മെഡിക്കൽ കോളേജിൽ പോസ്റ്റ്മോർട്ടത്തിനുശേഷം ഭൗതികശരീരം വീട്ടുവളപ്പിൽ സംസ്കരിക്കും.