ആറ്റിങ്ങൽ മിഷൻ ആശുപത്രിക്ക് സമീപം നടന്ന അപകടത്തിൽ യുവാവ് മരിച്ചു. ആറ്റിങ്ങൽ സ്വദേശി മനീഷ് ആണ് മരണപ്പെട്ടത്. കഴിഞ്ഞ ദിവസം രാത്രി 11 മണിയോടെ മനീഷും സുഹൃത്ത് നയനും സഞ്ചരിച്ചിരുന്ന ബൈക്ക് കാൽനടക്കാരനെ ഇടിച്ചശേഷം നിയന്ത്രണം തെറ്റി ഡിവൈഡറിൽ ഇടിച്ചു. ഡിവൈഡറിൽ ഇടിച്ചു തെറിച്ചു വീണ മനീഷിന്റെ ദേഹത്ത് കാർ കയറിയിറങ്ങുകയായിരുന്നു. മനീഷ് തൽക്ഷണം മരിച്ചു. പരിക്കേറ്റ നയനെയും കാൽനടക്കാരനേയും ആശുപത്രിയിൽ പ്രവേശിപ്പിച്ചു. ആറ്റിങ്ങൽ കിഴക്കുംപുറം ചിറവരമ്പത്ത് വീട്ടിൽ (എൻ.ആർ.എ 153) പി മണികണ്ഠന്റേയും ബി മഞ്ജുവിന്റേയും മകനാണ് മനീഷ്. എം മഞ്ജിത്, എം മനീഷാ എന്നിവർ സഹോദരങ്ങളാണ്.
