വർക്കലയിൽ വിദേശ വനിതയെ പൊട്ടിയ ബിയർ കുപ്പി കൊണ്ട് ആക്രമിക്കാൻ ശ്രമിച്ച പ്രദേശവാസിയെ പോലീസ് കസ്റ്റഡിയിലെടുത്തു. ഓടയം സ്വദേശിയായ 47 വയസുള്ള ഫിറോസ് ഖാനാണ് പോലീസ് പിടിയിലായത്.
ഇന്നലെ രാവിലെ 8 മണിയോടെ സർഫിങ് ട്രെയിനിംഗ് നടത്തുന്നതിനിടയിൽ തീരത്ത് വിശ്രമിക്കുകയായിരുന്ന ഫ്രഞ്ച് യുവതിയായ ആലീസിനു നേരെ നാട്ടുകാരനായ ഒരാൾ പൊട്ടിയ ബിയർ ബോട്ടിൽ കുപ്പിയുമായി എത്തുകയും അനാവശ്യമായി ഭയപ്പെടുത്തുകയും ചെയ്തു എന്നാണ് യുവതി പറയുന്നത്. സ്വിമിങ് ഡ്രെസ്സിൽ ഇരുന്നതിനാലാണ് ഇയാൾ പ്രശ്നമുണ്ടാക്കിയത് എന്നാണ് യുവതി പറയുന്നത്.
