പൈപ്പ് ലൈൻ പൊട്ടി കുടിവെള്ളം പാഴാകുന്നതായി പരാതി

പൈപ്പ് ലൈൻ പൊട്ടി കുടിവെള്ളം പാഴായിട്ടും നടപടിയെടുക്കാതെ അധികൃതർ.
ആറ്റിങ്ങൽ രാമച്ചംവിള, കാട്ടുമ്പുറം റോഡിലെ ഓടയ്ക്കു സമീപമുള്ള പൈപ്പ്‌ലൈൻ പൊട്ടി കുടിവെള്ളം പാഴായി ആഴ്ചകൾ പിന്നിട്ടിട്ടും നടപടിയെടുക്കാതെ വാട്ടർ അതോറിറ്റി. നിരവധി തവണ അറിയിച്ചിട്ടും തകരാർ പരിഹരിക്കുന്നില്ലെന്ന് നാട്ടുകാർ പരാതിപ്പെട്ടു. വേനലിന്റെ കാഠിന്യം കൂടുന്ന സാഹചര്യത്തിൽ വെള്ളം പാഴാക്കുന്നതിനെതിരെ ശക്തമായ പ്രതിഷേധമാണുള്ളത്.