കിളിമാനൂർ: വിദ്യാഭ്യാസ വകുപ്പിന്റെ വായന ചങ്ങാത്തം പരിപാടിയുടെ പഴയകുന്നുമ്മേൽ പഞ്ചായത്ത് തല വായന ചങ്ങാത്തം വായനോത്സവം പഞ്ചായത്ത് പ്രസിഡന്റ് കെ. രാജേന്ദ്രൻ ഉദ്ഘാടനം ചെയ്തു. കിളിമാനൂർ ടൗൺ യുപിഎസിൽ നടന്ന പരിപാടിയിൽ ഹെഡ് മാസ്റ്റർ എച്ച്. നിസാർ അധ്യക്ഷനായി. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എസ്. സിബി, വാർഡ് മെമ്പർ എൻ. സലിൽ, ബി ആർ സി കോർഡിനേറ്റർ ജയലക്ഷ്മി. കവി കുടിയേല ശ്രീകുമാർ, അമൃത തുടങ്ങിയവർ സംസാരിച്ചു. പഞ്ചായത്ത് മേഖലയിലെ അഞ്ച് വിദ്യാലയങ്ങളിലെ പ്രൈമറി വിഭാഗത്തിൽ നിന്നുള്ള വിദ്യാർത്ഥി പ്രതിനിധികളും, രക്ഷിതാക്കളും, അധ്യാപകരും പരിപാടിയിൽ പങ്കാളികളായി. വിദ്യാർത്ഥികളുടെ രചനകൾ ഉൾപ്പെടുത്തിയ വായന പതിപ്പും വായനോത്സവത്തിൽ പ്രകാശനം ചെയ്തു.
