നഗരൂർ പാലം ഗതാഗതത്തിന് തുറന്നു

നഗരൂർ : നഗരൂർ പാലം പരീക്ഷണ അടിസ്ഥാനത്തിൽ വാഹന ഗതാഗതത്തിന് തുറന്നു കൊടുത്തു. നഗരൂർ – കാരേറ്റ് റോഡിൽ കരീത്തോടിന് കുറുകെ 3 കോടി രൂപ ചെലവഴിച്ച് 19.5 മീറ്റർ നീളത്തിലും 11 മീറ്റർ വീതിയിലും ആണ് പാലം നിർമ്മിച്ചത്. ഗതാഗതം നിരീക്ഷിച്ച് പോരായ്മകൾ ഉണ്ടാകുന്ന പക്ഷം അവ കൂടി പരിഹരിച്ച് പാലം

പൊതുജനങ്ങൾക്കായി തുറന്നു കൊടുക്കും.എല്ലാ ജോലിയും തീർത്ത് ഏപ്രിലോടെ പാലത്തിന്റെ ഔദ്യോഗിക ഉദ്ഘാടനം നടത്താനാണ് പൊതുമരാമത്ത് വകുപ്പിന്റെ ലക്ഷ്യം. പാലത്തിന്റെ പെയിന്റിംഗ് പണിയും ടാറിംഗും മാത്രമാണ് ഇനിയുള്ളത്.