ആറ്റിങ്ങൽ: മുദാക്കൽ ഗ്രാമ പഞ്ചായത്തിൽ ഭരണകക്ഷിയായ ഇടത് മുന്നണിക്കെതിരെ ബി.ജെ.പി കൊണ്ട് വന്ന അവിശ്വാസ പ്രമേയം തള്ളി. അവിശ്വാസ പ്രമേയ യോഗത്തിന് കോറം തികയത്തതിനാലാണ് പ്രമേയം തള്ളിയത്. 20 അംഗ ഭരണസമിതിയിൽ എൽ ഡി എഫിന് 6 പേരും രണ്ട് സ്വതന്ത്രരുടെ പിൻ തുണയോടാണ് ഭരണത്തിലെത്തിയത്. ബി.ജെ.പിക്ക് 7 ഉം കോൺഗ്രസിന് 5 അംഗങ്ങളുമുണ്ട്. അവിശ്വാസ ചർച്ചയിൽ എൽ.ഡി.എഫിനൊപ്പം കോൺഗ്രസ് അംഗങ്ങളും യോഗത്തിൽ നിന്നും വിട്ട് നിന്നതോടെ കോറം ഇല്ലാതായി. യോഗത്തിൽ ചിറയിൻകീഴ് ബി.ഡി.ഒ ലെനിൻ അധ്യക്ഷത വഹിച്ചു.
