തിരുവനന്തപുരം: സെക്രട്ടറിയേറ്റ് മാര്ച്ചിലുണ്ടായ സംഘര്ഷത്തെ തുടര്ന്ന് അറസ്റ്റിലായി റിമാന്ഡില് കഴിഞ്ഞിരുന്ന 28 യൂത്ത് ലീഗ് പ്രവര്ത്തകര്ക്ക് ജാമ്യം. പൊതുമുതല് നശിപ്പിച്ചതിനുള്ള നഷ്ടപരിഹാരം കെട്ടിവച്ചതിനെ തുടര്ന്നാണ് ജാമ്യം. 14 ദിവസമായി പ്രവര്ത്തകര് ജയിലിലായിരുന്നു. കേസിലെ ഒന്നാം പ്രതിയും യൂത്ത് ലീഗ് സംസ്ഥാന ജനറല് സെക്രട്ടറിയുമായ പികെ ഫിറോസ് ഇപ്പോഴും ജയിലിലാണ്. ഫിറോസ് ജാമ്യാപേക്ഷ സമര്പ്പിച്ചിരുന്നില്ല.
തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതി മൂന്നാണ് ജാമ്യം അനുവദിച്ചത്. പൊതു-സ്വകാര്യ മുതലുകള് നശിപ്പിച്ചു, അനുമതിയില്ലാതെ സെക്രട്ടേറിയറ്റ് മാര്ച്ച് നടത്തി, പൊലീസുകാരെ ആക്രമിച്ചു, ഗതാഗത തടസ്സമുണ്ടാക്കി തുടങ്ങിയ ജാമ്യമില്ലാ വകുപ്പുകള് പ്രകാരമാണ് കേസെടുത്തിരുന്നത്.
