കാട്ടാക്കട ബസ് അക്ടീവയുമായി ഇടിച്ച് അപകടം; ഒരാൾക്ക് മരണം

കാട്ടാക്കട ബാലരാമപുരം റോഡിൽ തൂങ്ങാമ്പാറക്ക് സമീപം ബസ് അക്ടീവയുമായി ഇടിച്ച് അപകടം. സ്കൂട്ടർ യാത്രികൻ മരണപെട്ടു. തൂങ്ങാമ്പാറ സ്വദേശി ഷാജിയാണ് (50) മരിച്ചത്. വൈകുന്നേരം 6 മണിയോടെയായിരുന്നു സംഭവം. സ്കൂട്ടർ യാത്രികൻ മറ്റൊരു വാഹനത്തെ മറികടന്ന് വരവെയാണ് ബാലരാമപുരം ഭാഗത്ത് നിന്നും വന്ന കെ എസ് ആർ ടി സി ബസിൽ ഇടിച്ചത്. വീഴ്ചയിൽ ഹെൽമെറ്റ് തെറിച്ചു പോകുകയും റോഡിൽ തലയിടിച്ച് വീഴുകയുമായിരുന്നു. സ്വകാര്യ ആശുപത്രിയിൽ എത്തിക്കുമ്പോൾ മരണം സംഭവിച്ചിരുന്നു.