ആറ്റിങ്ങൽ: രണ്ടു വയസിൽ ഇന്ത്യ ബുക്ക് ഓഫ് റെക്കോർഡ്സിൽ ഇടം പിടിച്ചിരിക്കുകയാണ് മടവൂർ സ്വദേശിയായ ഇഷാൻ. എസ്.മനു. ഇംഗ്ലീഷ് അക്ഷരമാലയിലെ അക്ഷരങ്ങളും അവയുടെ അനുബന്ധ ചിത്രങ്ങളും, ഇംഗ്ലീഷ് കവിത, ആഴ്ചയിലെ ദിവസങ്ങൾ, മഴവില്ലിന്റെ നിറങ്ങൾ, 5 ദേശീയ മൃഗങ്ങൾ, 1മുതൽ 15 വരെയുള്ള എണ്ണൽ സംഖ്യകൾ, 10 നിറങ്ങൾ, 15 വാഹനങ്ങൾ, 42 മൃഗങ്ങൾ, 8 കടൽ ജീവികൾ, 12 ശരീരഭാഗങ്ങൾ, 25 പഴവർഗങ്ങൾ, 18 പച്ചക്കറികൾ, 8പക്ഷികൾ, 5പ്രാണികൾ, 10 പൊതുവിഞാന ചോദ്യങ്ങളുടെ ഉത്തരങ്ങൾ കൂടാതെ 8 മൃഗങ്ങളുടെ ശബ്ദങ്ങൾ അനുകരിച്ചുമാണ് ഈ കൊച്ചു മിടുക്കൻ റെക്കോർഡ് നേട്ടം കരസ്ഥമാക്കിയത്.
2വയസ്സും 4 മാസവുമാണ് ഇഷാന്റെ പ്രായം.
മടവൂർ കൊച്ചാലുമ്മൂട് പോളച്ചിറ വീട്ടിൽ പ്രവാസിയായ മനുവിന്റെയും മുടപുരം ശ്രുതി ഭവനിൽ ശ്രുതി (മടവൂർ കുടുംബരോഗ്യകേന്ദ്രത്തിലെ എം എൽ എസ് പി സ്റ്റാഫ് നേഴ്സ്) യുടെയും മകനാണ് ഇഷാൻ.
