പൈപ്പ് പൊട്ടി വെള്ളം നഷ്ടമാകുന്നു

ആറ്റിങ്ങൽ: ചിറയിൻകീഴ് റോഡിൽ രാമച്ചംവിളയിൽ നിന്നും 23 ആം വാർഡിലേക്ക് പോകുന്ന ബൈപ്പാസ് റോഡിൽ വാട്ടർ അതോറിറ്റിയുടെ പൈപ്പ് പൊട്ടി വെള്ളം ചീറ്റി പോകുന്നു. നാലുദിവസമായി ഇത് തുടരുകയാണ്. ഇതുമൂലം പൈപ്പ് ലൈനിൽ ശക്തി കുറഞ്ഞാണ് വെള്ളം ഉപഭോക്താക്കൾക്ക് കിട്ടുന്നത്. അധികൃതരെ അറിയിച്ചിട്ടും ആരും തന്നെ യാതൊരു നടപടിയും സ്വീകരിച്ചില്ലെന്നാണ് നാട്ടുകാരുടെ ആക്ഷേപം.