തിരുവനന്തപുരം: വര്ക്കലയില് വീട്ടമ്മയെ ഭര്ത്താവിന്റെ ബന്ധുക്കള് ചേര്ന്ന് കൊലപ്പെടുത്തിയ സംഭവത്തില് ഒരാള് പിടിയില്. നാലാം പ്രതിയും മുഖ്യപ്രതിയുടെ ഭാര്യയുമായ രഹീനയാണ് അറസ്റ്റിലായത്. കേസിലെ മറ്റ് പ്രതികളായ അഹദ്, ഷാജി, മുഹ്സിന് എന്നിവര് ഒളിവിലാണ്.
ഇന്നലെ വര്ക്കലയിലാണ് ദാരുണ സംഭവമുണ്ടായത്. അയിരൂര് സ്വദേശി ലീനാമണിയെ ഭര്ത്താവിന്റെ ബന്ധുക്കള് മര്ദിച്ച് കൊലപ്പെടുത്തുകയായിരുന്നു. കൊലപാതകത്തില് രഹീനയ്ക്ക് നേരിട്ട് പങ്കുള്ളതായി പൊലീസ് പറഞ്ഞു. ലീനാമണിയെ ആക്രമിക്കുമ്പോള് രഹീനയും അവിടെയുണ്ടായിരുന്നു. മറ്റ് മൂന്നു പേര്ക്കുള്ള തിരച്ചില് പൊലീസ് ഊര്ജിമാക്കിയിരിക്കുകയാണ്. ക്രിമിനല് പശ്ചാത്തലമുള്ളവരാണ് പ്രതികളെന്നും വ്യക്തമാക്കി.
