മാഡ്രിഡ്: ആതിഥേയരായ സ്പെയിനിനെ തകര്ത്ത് ഇന്ത്യന് വനിതാ ഹോക്കി ടീമിനു കിരീട മധുരം. സ്പാനിഷ് ഹോക്കി ഫെഡറേഷന്റെ 100ാം വാര്ഷികത്തോടനുബന്ധിച്ച് സംഘടിപ്പിച്ച അന്താരാഷ്ട്ര പോരാട്ടത്തിലാണ് ഇന്ത്യന് വനിതകള് അഭിമാനകരമായ നേട്ടം സ്വന്തമാക്കിയത്. ഫൈനല് പോരാട്ടത്തില് സ്പെയിനിനെ മറുപടിയില്ലാത്ത മൂന്ന് ഗോളുകള്ക്കാണ് ഇന്ത്യന് വനിതകള് തകര്ത്തത്. 22ാം മിനിറ്റില് വന്ദ കട്ടാരിയ, 48ാം മിനിറ്റില് മോണിക്ക, 58ാം മിനിറ്റില് ഉദിത എന്നിവരാണ് ഇന്ത്യക്കായി ഗോളുകള് നേടിയത്.
അപരാജിത മുന്നേറ്റമാണ് ഇന്ത്യ ടൂര്ണമെന്റില് നടത്തിയത്. ആദ്യ മത്സരത്തില് ഇംഗ്ലണ്ടുമായി 1-1നു സമനില. രണ്ടാം പോരാട്ടത്തില് സ്പെയിനുമായി 2-2നു സമനില.
മൂന്നാം പോരാട്ടത്തില് ഇംഗ്ലണ്ടിനെ 3-0ത്തിനു വീഴ്ത്തി ടൂര്ണമെന്റിലെ ആദ്യ വിജയം. ലാല്റെംസിയാമിയുടെ ഹാട്രിക്കാണ് ഇന്ത്യക്ക് ജയം സമ്മാനിച്ചത്. ഒടുവില് ഇതേ സ്കോറില് സ്പെയിനിനെ വീഴ്ത്തി കിരീടം.
