ആലംകോടിൽ നിർത്തിയിട്ടിരുന്ന വാഹനത്തിൽ നിന്നും താക്കോൽ മോഷണം പോയി

ആലംകോട്: ഉറക്കം വന്നപ്പോൾ ഡ്രൈവർ ഉറങ്ങി. താക്കോൽ കള്ളൻ കൊണ്ടുപോയി. ആലംകോട് പുളിമൂട് ജംഗ്ഷനിലാണ് സംഭവം. ഇരിങ്ങാലക്കുടയിൽ നിന്നും സിമന്റ് കയറ്റി പോകവേ ഡ്രൈവർ ഉറങ്ങിയ സമയം നോക്കി ആരോ ഒരാൾ ലോറിയിൽ നിന്നും താക്കോൽ എടുത്തു കൊണ്ട് പോയി. ഉറക്കം തോന്നിയപ്പോൾ ആലംകോട് പുളിമൂട് ജംഗ്ഷനിൽ ഇടതുവശത്ത് ഒഴിച്ചിട്ട് ഡ്രൈവർ ഒന്നുറങ്ങിയ സമയമായിരുന്നു സംഭവം. ഡ്രൈവർ പുറത്തിറങ്ങിയപ്പോൾ മോഷ്ടാവ് ബൈക്ക് സ്റ്റാർട്ട് ചെയ്ത് ഓടിച്ചു പോയി. എന്തായാലും ആലംകോട് മേഖലയിൽ മോഷണങ്ങൾ വ്യാപകമാണെന്ന് നാട്ടുകാരും പരാതിപ്പെടുന്നുണ്ട്.