എലിപ്പനി ബാധിച്ചു മരിച്ചു

വെഞ്ഞാറമൂട് സ്വദേശി എലിപ്പനി ബാധിച്ച് മരിച്ചു. പുല്ലമ്പാറ മരുതുംമൂട് സിഐടിയു തൊഴിലാളിയായ ചലിപ്പംകോണത്ത് വീട്ടിൽ ഷിബു (46 ) ആണ് മരണപ്പെട്ടത്. കഴിഞ്ഞ രണ്ടു ദിവസം മുന്നേ പനി
കണ്ടതിനെ തുടർന്ന് നെടുമങ്ങാട് താലൂക്ക് ആശുപത്രിയിൽ എത്തിക്കുകയും അവിടെ നിന്ന് തിരുവനന്തപുരം മെഡിക്കൽ കോളേജിലേക്ക് മാറ്റുകയും ചെയ്തു. കടുത്ത പനി ബാധിച്ച് വെന്റിലേറ്ററിലായിരുന്നു. ഇന്നലെ രാത്രി 11 മണിയോടുകൂടി മരണം സംഭവിച്ചു. ഷിബുവിന് ഭാര്യയും മൂന്നു മക്കളുമുണ്ട്. മൃതദേഹം ഉച്ചയ്ക്ക് രണ്ടുമണിക്ക് ചലിപ്പുംകോണത്ത് ഷിബുവിന്റെ സ്വവസതിയിൽ സംസ്കരിച്ചു.