ലഖ്നൗ: ഏകദിന ലോകകപ്പ് പോയിന്റ് പട്ടികയില് പാകിസ്ഥാനെ പിന്തള്ളി അഫ്ഗാനിസ്ഥാന് അഞ്ചാമതെത്തി: ഇന്ന് നെതര്ലന്ഡ്സിനെ 7 വിക്കറ്റിന് തോല്പ്പിച്ചതോടെയാണ് അഫ്ഗാന് മുന്നേറിയത്. ടോസ് നേടി ബാറ്റിംഗ് തിരഞ്ഞെടുത്ത നെതര്ലന്ഡ്സ് 46.3 ഓവറില് 179ന് ഓൾഔട്ടായി. മറുപടി ബാറ്റിംഗില് അഫ്ഗാന് 31.3 ഓവറില് മൂന്ന് വിക്കറ്റ് മാത്രം നഷ്ടത്തില് വിജയത്തിലെത്തി.
നിലവില് അഫ്ഗാനിസ്ഥാനും ന്യൂസിലന്ഡിനും എട്ട് പോയിന്റ് വീതമാണുള്ളത്. എന്നാല് കിവീസിന്റെ മികച്ച റണ്റേറ്റാണ് അഫ്ഗാനെ അഞ്ചാം സ്ഥാനത്താക്കിയത്. നാളെ ന്യൂസിലന്ഡിനെതിരെ വൻ മാര്ജനില് ജയിച്ചാല് മാത്രമെ പാകിസ്ഥാന് സെമി പ്രതീക്ഷക്ക് വകയുള്ളൂ.
