സായിഗ്രാമത്തിൽ രണ്ടായിരത്തിലധികം വിദ്യാർത്ഥികൾ പങ്കെടുത്ത സെമിനാർ സായിഗ്രാമം സ്ഥാപകനും എക്സിക്യൂട്ടീവ് ഡയറക്ടറുമായ കെ.എൻ ആനന്ദ് കുമാർ സാറിൻറെ സാന്നിധ്യത്തിൽ നോബൽ സമ്മാന ജേതാവ് കൈലാഷ് സത്യാർത്ഥി ഉദ്ഘാടനം ചെയ്തു.
സ്വപ്നങ്ങൾ ലക്ഷ്യത്തിലേക്ക് വഴികാണിച്ചു തരുന്ന കണ്ണുകളാണന്ന് സായിഗ്രാമത്തിൽ എത്തിയ വിദ്യാർത്ഥികളോട് കൈലാഷ് സത്യാർത്ഥി. ചോദ്യങ്ങൾ ചോദിക്കാനുള്ള ധൈര്യം ഉണ്ടാകാതെ വിദ്യാർത്ഥികൾക്ക് സമൂഹത്തിൽ നിന്ന് കൂടുതൽ ഒന്നും അറിയാനാവില്ല. മറ്റെന്തിനേക്കാളും സ്വയം വിശ്വാസമർപ്പിച്ച് സ്വന്തം കഴിവുകൾ തിരിച്ചറിയണം. മറ്റുള്ളവർക്ക് വേണ്ടി കാത്തിരിക്കാതെ പ്രവർത്തിച്ചു തുടങ്ങുന്നവർക്കാണ് വിജയമെന്നും അദ്ദേഹം പറഞ്ഞു.
