സംസ്ഥാനത്ത് പെട്രോള് പമ്പുകള് നാളെ രാത്രി എട്ട് മുതല് മറ്റന്നാള് പുലര്ച്ചെ ആറു വരെ അടച്ചിടും. സംസ്ഥാനത്തെ വിവിധ ജില്ലകളിലായി പെട്രോള് പമ്പുകള്ക്കുനേരെ നടക്കുന്ന ഗുണ്ടാ ആക്രമണത്തില് പ്രതിഷേധിച്ച് ഓള് കേരള ഫെഡറേഷന് ഓഫ് പെട്രോളിയം ട്രേഡേഴ്സ് ആണ് പ്രതിഷേധിക്കുന്നത്.
പ്രശ്നപരിഹാരമുണ്ടാകാത്ത പക്ഷം മാര്ച്ച് പത്ത് മുതല് രാത്രി 10 മണി വരെയെ പമ്പുകള് പ്രവര്ത്തിക്കുകയുള്ളുവെന്നും അസോസിയേഷന് വ്യക്തമാക്കി. ഗുണ്ടാ ആക്രമണം തടയാന് ആശുപത്രി സംരക്ഷണ നിയമം പോലെ നിയമനിര്മാണം വേണമെന്നാണ് ആവശ്യം. രാത്രിയിലും മറ്റുമായി പെട്രോള് പമ്പ് ജീവനക്കാരെ ആക്രമിച്ച സംഭവങ്ങള് പലയിടങ്ങളിലായി അടുത്തിടെ വർധിച്ചിരുന്നു.
