ആറ്റിങ്ങൽ: മതാചാര്യന്മാർ നിർവഹിക്കേണ്ട ധർമ്മങ്ങൾ ഭരണകൂട നേതാക്കൾ നിർവഹിക്കുകയും, ഭരണകൂടം നിർവഹിക്കേണ്ട കാര്യങ്ങൾ മതാചാര്യന്മാർ നിർവഹിക്കുകയും ചെയ്യുന്ന അപകടകരമായ ഒരു അവസ്ഥയാണ് രാജ്യത്ത് സംജാതമായിരിക്കുന്നതെന്ന് അഡ്വ. മാത്യു ടി തോമസ് എംഎൽഎ അഭിപ്രായപ്പെട്ടു.
ജനതാദൾ (എസ്) ആറ്റിങ്ങൽ ലോക്സഭാ മണ്ഡലം കൺവെൻഷൻ മുനിസിപ്പൽ ലൈബ്രറി ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനതാദൾ( എസ് ) ജില്ലാ പ്രസിഡന്റ് അഡ്വ. എസ് ഫിറോസ് ലാൽ അധ്യക്ഷത വഹിച്ചു. അഡ്വ. കൊല്ലംകോട് രവീന്ദ്രൻ നായർ, പി പി ദിവാകരൻ, വല്ലൂർ രാജീവ്, കെ എസ് ബാബു, സജീർ രാജകുമാരി, വേങ്ങോട് കൃഷ്ണകുമാർ, വി കെ ശ്രീജിത്ത്, തട്ടത്തുമല സുനിൽകുമാർ തുടങ്ങിയവർ പ്രസംഗിച്ചു.
