ആത്മഹത്യാ ഭീഷണി മുഴക്കി തെങ്ങിന്റെ മുകളിൽ കയറിയയാളെ അഗ്നിശമന സേന രക്ഷപ്പെടുത്തി. മലപ്പുറം അനന്താവൂർ മേടിപ്പാറ സ്വദേശി കോതകത്ത് മുഹമ്മദാണ് ആത്മഹത്യാ ഭീഷണി മുഴക്കിയത്. കൻമനം ജുമാമസ്ജിദിന്റെ ഉടമസ്ഥതയിലുള്ള പറമ്പിലെ തെങ്ങിലാണ് ഇയാൾ കയറിയത്
നാട്ടുകാർ അനുനയിപ്പിച്ചപ്പോൾ ആത്മഹത്യാ ശ്രമം ഉപേക്ഷിച്ച് താഴെ ഇറങ്ങാൻ മുഹമ്മദ് തയ്യാറായി. എന്നാൽ താഴെയിറങ്ങാനാകാതെ ഭയന്ന് തെങ്ങിനെ കെട്ടിപ്പിടിച്ചിരുന്ന മുഹമ്മദിനെ അഗ്നിശമന സേനയെത്തിയാണ് രക്ഷപ്പെടുത്തിയത്.
കഴിഞ്ഞ ദിവസമാണ് സംഭവം. നാൽപതടിയോളം ഉയരമുള്ള തെങ്ങിലാണ് ഇയാൾ കയറിയത്. അനുനയശ്രമം വിജയിച്ചെങ്കിലും മുഹമ്മദിന് താഴെയിറങ്ങാനായില്ല. ഇതോടെയാണ് പ്രദേശവാസികൾ തിരൂർ ഫയർ ഫോഴ്സിനെ വിവരം അറിയിച്ചത്.
