മാല മോഷ്ടിപ്പുകാരനെ യുവതി പിടികൂടി. മോഷ്ടിച്ച ബൈക്കിൽ എത്തി, നടന്നുപോയ യുവതിയുടെ കഴുത്തിൽ കിടന്ന മാല മോഷ്ടിച്ച കള്ളനെ യുവതി സാഹസികമായി തള്ളിയിട്ടു പിടികൂടി. പോത്തൻകോട്ട് ഇന്നാണ് സംഭവം.
അമ്മയുമായി പോവുകയായിരുന്ന ചെങ്കോട്ടുകോണം സ്വദേശി അശ്വതിയുടെ കഴുത്തിലെ മാലയാണ് മോഷ്ടാവ് പിടിച്ചുപറിച്ചത്. ഉടൻതന്നെ ധൈര്യം സംഭരിച്ച അശ്വതി ബൈക്കിൽ നിന്നും ഇയാളെ ഷർട്ടിൽ പിടിച്ചു താഴെയിട്ടു. അശ്വതിക്കും താഴെ വീണു പരിക്ക് ഉണ്ട്.
ബഹളം കേട്ട് ഓടിയെത്തിയ നാട്ടുകാർ ചന്തവിള സ്വദേശിയായ മോഷ്ടാവ് അനിൽകുമാറിനെ പിടികൂടി പോലീസിൽ ഏൽപ്പിച്ചു.
