ആൾ ഇന്ത്യാ പീസ് ആൻഡ് സോളിഡാരിറ്റി ഓർഗനൈസേഷന്റേയും (ഐപ്സോ) ആറ്റിങ്ങൽ ഗവ:ഐ.ടി.ഐ യുടെയും സംയുക്താഭിമുഖ്യത്തിൽ സമാധാന ക്യാമ്പയിനും പരിസ്ഥിതി ദിനാചരണംവും ആറ്റിങ്ങൽ ഗവ:ഐ.റ്റി.ഐ യിൽ നടന്നു. ആറ്റിങ്ങൽ മുനിസിപ്പൽ ചെയർപേഴ്സൺ അഡ്വ. എസ് കുമാരി ഫലവൃക്ഷ തൈ നട്ടുകൊണ്ട് ഉദ്ഘാടനം നിർവഹിച്ചു.
ഐപ്സോ പ്രസിഡന്റ് ഡി മോഹനദാസ് അധ്യക്ഷത വഹിച്ചു. ഐപ്സോ ആറ്റിങ്ങൽ ഏരിയാ സെക്രട്ടറി എസ് സതീഷ് കുമാർ സ്വാഗതം പറഞ്ഞു. സമാധാന ക്യാമ്പയിനെ പറ്റിയും പരിസ്ഥിതി ദിനാചരണത്തെ പറ്റിയും ഐപാസോ ജില്ലാ പ്രസിഡന്റ് ജി സുഗുണൻ വിശദീകരിച്ചു. ഐ.റ്റി.ഐ പ്രിൻസിപ്പാൾ റ്റി അനിൽ കുമാർ, എൻ.എസ്.എസ് പ്രോഗ്രാം ഓഫീസർ ജി.എസ് സുരേഷ്, ഐ.ടി.ഐ ട്രയിനീസ് ചെയർമാൻ ജി.എൽ ഗോകുൽ, ട്രയിനീസ് ജനറൽസെക്രട്ടറി ബി രാഖി എന്നിവർ സംസാരിച്ചു. എര്യാ സെക്രട്ടറി പരിസ്ഥിതി ദിന പ്രതിജ്ഞ ചൊല്ലിക്കൊടുത്തു. എല്ലാ വിദ്യാർത്ഥികൾക്കും വൃക്ഷത്തൈകൾ വിതരണം നടത്തുകയും ചെയ്തു.
