ആറ്റിങ്ങൽ: അട്ടപ്പാടിയിലെ ആദിവാസി പെൺകുട്ടികളുടെ ഭരതനാട്യം പരിശീലനം പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി ഉദ്ഘാടനം ചെയ്തു. സായി ഗ്രാമം എക്സിക്യൂട്ടീവ് ഡയറക്ടർ കെ. എൻ ആനന്ദ കുമാർ അധ്യക്ഷത വഹിച്ചു. സായിഗ്രാമം വൈസ് ചെയർമാൻ ഗോപകുമാരൻ നായർ മുഖ്യാതിഥിയായിരുന്നു. പ്രശസ്ത നർത്തകി, ഡോ. ഗായത്രി സുബ്രഹ്മണ്യം, പ്രൊഫ. അബ്ദുൽ സഫീർ ചടങ്ങിൽ പങ്കെടുത്തു. പ്രശസ്ത നർത്തകി നടന ഭൂഷണം ഡോ. ഗായത്രി സുബ്രഹ്മണ്യന്റെ നേതൃത്വത്തിലാണ് സായി ഗ്രാമത്തിൽ 45 ദിവസം നീണ്ട് നിൽക്കുന്ന നിർത്തം അഭ്യസിപ്പിക്കുന്നത്.
അട്ടപ്പാടിയിലെ ആദിവാസി വിഭാഗങ്ങളുടെ ഉന്നമനത്തിനായി നിരവധി പദ്ധതികളാണ് സായിഗ്രമിൻ്റെ നേതൃത്വത്തിൽ നടത്തിവരുന്നത്. ആരോഗ്യം, വിദ്യാഭ്യാസം, കൃഷി, ജലസേചനം, സ്വയംതൊഴിൽ എന്നിവ ഊന്നൽ നൽകിയുള്ള പദ്ധതി ക്കൾ അട്ടപ്പാടിയിൽ നടപ്പിലാക്കുന്നത്. അലോപ്പതി ആയർവേദ ക്ലിനിക്കുകൾ, ഡയാലിസിസ് കേന്ദ്രം, കൗൺസിലിംഗ് കേന്ദ്രങ്ങൾ, ലഹരി വിമോചന പദ്ധതികൾ, കമ്പ്യൂട്ടർ പരിശീലന കേന്ദ്രം, കുടിവെള്ള വിതരണം, അട്ടപ്പാടിയെ സ്വയം പര്യാപ്ത ഗ്രാമമാക്കാൻ വേണ്ടിയുള്ള കൃഷി തുടങ്ങിയവയാണ് സൗജന്യമായി ശ്രീ കെ എൻ ആനന്ദകുമാറിൻ്റെ നേതൃത്വത്തിൽ നടപ്പിലാക്കിവരുന്നത്.
