പുരസ്കാരനിറവിൽ ഇടയ്ക്കോട് സർവീസ് സഹകരണ ബാങ്ക്

മുദാക്കൽ കൃഷിഭവൻ അവാർഡും, കരകൃഷിയുമായി ബന്ധപ്പെട്ട് മംഗലപുരം കൃഷിഭവൻ അവാർഡും ഇടയ്ക്കോട് സർവീസ് സഹകരണ ബാങ്ക് നേടി. ഭരണസമിതിയുടെയും ജീവനക്കാരുടെയും ഒത്തൊരുമയോടെയുള്ള പ്രവർത്തനങ്ങളാണ് ഇതിന് പ്രചോദനമായത്. മംഗലപുരം പഞ്ചായത്ത് കൃഷിഭവനിൽ നടന്ന ചടങ്ങിൽ വി ശശി എം എൽ എയിൽ നിന്നും, മുദാക്കൽ പഞ്ചായത്ത് കൃഷിഭവൻ അങ്കണത്തിൽ നടന്ന ചടങ്ങിൽ ബ്ലോക്ക് പഞ്ചായത്ത് പ്രസിഡൻറ് പി.സി. ജയശ്രീയിൽ നിന്നും ബാങ്ക് പ്രസിഡന്റ് അഡ്വ.ദിലീപ്.വി.എൽ പുരസ്കാരങ്ങൾ ഏറ്റുവാങ്ങി. മുദാക്കൽ ഗ്രാമപഞ്ചായത്ത് പ്രസിഡന്റ് പള്ളിയറ ശശി, ബാങ്ക് സെക്രട്ടറി ജെ.എസ്.ബിന്ദുമോൾ, ഡയറക്ടർ ബോർഡ് അംഗങ്ങൾ, മറ്റ് ജനപ്രതിനിധികൾ എന്നിവർ പങ്കെടുത്തു.