കിണറിലകപ്പെട്ട വയോധികയെ ആറ്റിങ്ങൽ ഫയർ&റസ്ക്യൂ ടീം രക്ഷപ്പെടുത്തി

നഗരൂർ പഞ്ചായത്ത് വാർഡ് 10 ൽ നെടുംമ്പറമ്പ് പൊയ്കയിൽ വീട്ടിൽ 85 വയസ്സുള്ള സത്യഭാമയാണ്, ഏകദേശം 15 അടി താഴ്ചയുള്ള കിണറ്റിലകപ്പെട്ടത്. സീനിയർ ഫയർഓഫീസർ അനീഷിൻ്റെ നേതൃത്വത്തിൻ ഫയർ ഓഫീസർ മിഥുൻ, ഡ്രൈവർ ഷിജിമോൻ എന്നിവരാണ് കിണറ്റിലിറങ്ങി നെറ്റ്, റോപ്പ് എന്നിവ ഉപയോഗിച്ച് വയോധികയെ രക്ഷപ്പെടുത്തിയത്. തുടർന്ന് സേനയുടെ ആംമ്പുലൻസിൽ ആശുപത്രിയിലെത്തിച്ചു. ഫയർ ഓഫീസർമാരായ സുജിത്ത്, ബൈജു, ഉണ്ണികൃഷ്ണൻ, മുഹമ്മദ്സാഗർ, ഫയർ ഓഫീസർ, ഡ്രൈവർ മനീഷ് ജെ ക്രിസ്റ്റഫർ എന്നിവരും രക്ഷാപ്രവർത്തനത്തിൽ പങ്കാളികളായി.