ആറ്റിങ്ങൽ: കണ്ണൂർ എ ഡി എം നവീൻ ബാബുവിനെ മാനസികമായി പീഡിപ്പിച്ചു ആത്മഹത്യയിലേക്ക് തള്ളിവിട്ട കണ്ണൂർ ജില്ല പഞ്ചായത്ത് പ്രസിഡന്റ് പി പി ദിവ്യക്കെതിരെ നടപടി സ്വീകരിക്കണമെന്നാവശ്യപ്പെട്ട് കേരള എൻ ജി ഒ അസോസിയേഷൻ ബ്രാഞ്ച് ആറ്റിങ്ങൽ ബ്രാഞ്ചിന്റെ ആഭിമുഖ്യത്തിൽ സിവിൽ സ്റ്റേഷനിൽ പ്രതിഷേധ പ്രകടനവും ധർണയും നടത്തി.
ബ്രാഞ്ച് പ്രസിഡന്റ് മനോഷ് കുറുപ് അധ്യക്ഷനായിരുന്നു. യോഗം ജില്ല വൈസ് പ്രസിഡന്റ് സജിമോൻ ഉദ്ഘാടനം ചെയ്തു. ബ്രാഞ്ച് സെക്രട്ടറി അതുൽ സ്വാഗതം പറഞ്ഞു. സംസ്ഥാന കമ്മിറ്റി അംഗം രഞ്ജിത്ത്, ജില്ല ഭാരവാഹികളായ ഹരികുമാർ, ഷിഹാബുദീൻ, അജിത്, ട്രഷറർ ശരത്, രാധാകൃഷ്ണൻ, രാഹുൽ, ശശിധരൻ എന്നിവർ സംസാരിച്ചു.
