ആറ്റിങ്ങൽ: ആറ്റിങ്ങൽ നഗരസഭ കൗൺസിലറുടെ വീട്ടിനു നേരേ ആക്രമണം. ആറ്റിങ്ങൽ നഗരസഭ അമ്പലമുക്ക് പതിമൂന്നാം വാർഡ് കൗൺസിലർ കെ. ജെ. രവികുമാറിന്റെ വീടിനു നേരേ വെള്ളിയാഴ്ച വെളുപ്പിന് നാലുമണിയ്ക്കാണ് ആക്രമണം നടന്നത്. വീടിന്റെ താഴത്തെ നിലയിലെ മുറിയിലെ ജനലിന്റെ ഗ്ലാസ്‌ അടിച്ചു തകർത്തു. ശബ്ദം കേട്ട് വീട്ടിലുളളവർ ഉണർന്നപ്പോൾ ആക്രമി ഓടി രക്ഷപെട്ടു. ഒരുമാസം മുമ്പ് വീട്ടിൽ ആളില്ലാത്ത സമയത്തു മുകളിലത്തെ നിലയിലെ മുൻ വശത്തെ ജന്നൽ എറിഞ്ഞു തകർത്തിരുന്നു. കൗൺസിലർ ആറ്റിങ്ങൽ പോലീസിൽ പരാതി നൽകിയതിന്റെ അടിസ്ഥാനത്തിൽ പോലീസ് അന്വേഷണം ആരംഭിച്ചു.
