1000 ഏക്കറിൽ ടെക്നോപാർക്കിൻ്റെ ആറാംഘട്ടം ; പദ്ധതി ആറ്റിങ്ങൽ ബൈപാസിനോട് ചേർന്ന്

ആറ്റിങ്ങൽ : നിർമ്മാണം പുരോഗമിക്കുന്ന ബൈപ്പാസിന് സമീപം ആയിരം ഏക്കറിൽ ടെക്നോപാർക്ക് സമുച്ചയം വേണമെന്ന ആവശ്യവുമായി ആറ്റിങ്ങൽ നഗരസഭ മുന്നോട്ട്.
ജില്ലയിൽ പുതിയതായി വരുന്ന ടെക്‌നോപാർക്ക് ആറാം ഘട്ടം ആറ്റിങ്ങലിൽ തന്നെ സ്ഥാപിക്കണമെന്ന ആവശ്യമാണ് ഉയരുന്നത്.
ഐടി ഇടനാഴിയുടെ കവാടമായി ആറ്റിങ്ങലിനെ മാറ്റുകയാണ് പദ്ധതി കൊണ്ട് ലക്ഷ്യമാക്കുന്നതെന്ന് നഗരസഭാ ചെയർപേഴ്‌സൺ എസ്.കുമാരി പറഞ്ഞു. നിർദ്ദിഷ്ട പ്രദേശത്ത് ഐടി പാർക്ക് എത്തിയാൽ വലിയ തോതിലുള്ള വികസനത്തിന് നഗരം സാക്ഷിയാകും.