ഗവ:സിദ്ധ ഡിസ്പെൻസറി അവനവഞ്ചേരിയിൽ എട്ടാമത് സിദ്ധ ദിനം ആചരിച്ചു. ആറ്റിങ്ങൽ നഗരസഭ വൈസ് ചെയർമാൻ തുളസീധരൻ പിള്ളയുടെ അധ്യക്ഷതയിൽ നഗരസഭ ചെയർപേഴ്സൺ അഡ്വ: എസ്.കുമാരി ഉദ്ഘാടനം ചെയ്തു. ആറ്റിങ്ങൽ നഗരസഭയിൽ മികച്ച ആരോഗ്യ സേവനം കാഴ്ചവച്ചതിന് ഗവ.സിദ്ധ ഡിസ്പെൻസറിയിലെ സീനിയർ മെഡിക്കൽ ഓഫീസർ ഡോ.വി.ബി വിജയകുമാറിനെ പൊന്നാട അണിയിച്ച് ആദരിച്ചു.
തുടർന്ന് “പൊതുജനാരോഗ്യം സിദ്ധയിലൂടെ” എന്ന വിഷയത്തെ ആസ്പദമാക്കി ഡോ. വി. ബി വിജയകുമാർ ഒരു ബോധവത്കരണ ക്ലാസ് നടത്തുകയുണ്ടായി. ആറ്റിങ്ങൽ നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ രമ്യ സുധീർ, എച്ച്.എം.സി സീനിയർ അംഗം മുരളി എന്നിവർ ആശംസകൾ അർപ്പിച്ചു. തുടർന്ന് സിദ്ധ വർമ്മ മെഡിക്കൽ ഓഫീസർ ഡോ. ദേവിക.പി.എസ് നന്ദി പ്രകാശനം നടത്തി.
