ചിറയിൻകീഴ് ശാർക്കര ദേവീക്ഷേത്രത്തിലെ സമൂഹ പൊങ്കാല സമർപ്പണം ക്ഷേത്ര ശ്രീകോവിലിന്റെ വടക്കേ നടയിൽ പ്രത്യേകമായി തയ്യാറാക്കിയ പണ്ടാര അടുപ്പിൽ മേൽശാന്തി ഇടവ വെൺകുളം കാട്ടുവിള കൃഷ്ണരാജ മഠത്തിൽ ഗോപാലകൃഷ്ണ റാവു തീ പകർന്നതോടെ പൊങ്കാല മഹോത്സവത്തിനു തുടക്കമായി.
ക്ഷേത്ര പറമ്പിൽ ഒരുക്കിയ 50,000 അടുപ്പുകൾക്ക് പുറമേ ക്ഷേത്രസന്നിധിയിലേക്ക് 5 കിലോമീറ്റർ ചുറ്റളവിൽ വിവിധ സംഘടനകളുടെ സഹകരണത്തോടെ പൊങ്കാല അടുപ്പുകൾ സജ്ജീകരിക്കാൻ സ്ഥലമൊരുക്കിയിരുന്നു. ഭക്തജന തിരക്ക് നിയന്ത്രിക്കാൻ വനിതാ പോലീസുകാർ അടക്കം സുരക്ഷാക്രമീകരണങ്ങൾ ഏർപ്പെടുത്തിയിരുന്നു. കഠിനമായ ചൂടിൽ പൊങ്കാലയിടുന്നവർക്ക് ആശ്വാസം പകരാൻ ശീതള പാനീയങ്ങൾ, പഴവർഗ്ഗങ്ങൾ, അന്നദാനം എന്നിവയും വിവിധ സംഘടനകൾ സൗജന്യമായി വിതരണം ചെയ്തു.
