അഹമ്മദാബാദ്: ഗുജറാത്തിനെതിരായ രഞ്ജി ട്രോഫി സെമിയില് കേരളം പൊരുതുന്നു. ടോസ് നേടി ബാറ്റിങിനിറങ്ങിയ കേരളം ഒടുവില് വിവരം കിട്ടുമ്പോള് 3 വിക്കറ്റ് നഷ്ടത്തില് 129 റണ്സെന്ന നിലയില്.
മികച്ച തുടക്കമാണ് കേരളത്തിന് ലഭിച്ചത്. ഓപ്പണര്മാരായ അക്ഷയ് ചന്ദ്രന് (30), രോഹന് കുന്നുമ്മല് (30) എന്നിവര് ചേര്ന്ന് ഒന്നാം വിക്കറ്റില് 60 റണ്സ് ചേര്ത്തു. ഇന്ത്യന് താരം രവി ബിഷ്ണോയ് ഈ കൂട്ടുകെട്ട് പൊളിച്ചു. പിന്നീട് തുടരെ രണ്ട് വിക്കറ്റുകള് കൂടി കേരളത്തിനു നഷ്ടമായി. നിലവില് ക്യാപ്റ്റന് സച്ചിന് ബേബി 36 റണ്സുമായും ജലജ് സക്സേന 18 റണ്സുമായും ക്രീസില് തുടരുന്നു. കേരളത്തിനായി വരുണ് നായനാരും അഹമ്മദ് ഇമ്രാനും സീനിയര് ടീമില് അരങ്ങേറ്റം കുറിച്ചു. മൂന്നാമായി ക്രീസിലെത്തിയ വരുണിനു പക്ഷേ തിളങ്ങാനായില്ല. താരം 10 റണ്സുമായി മടങ്ങി.
