കണ്ണൂര്: കണ്ണൂര് നഗരത്തിലെ ക്യാപിറ്റോള് മാള് ലോഡ്ജില് മയക്കുമരുന്നുമായി കമിതാക്കള് അറസ്റ്റില്. താവക്കര ഫാത്തിമാസില് നിഹാദ് മുഹമ്മദ്, പാപ്പിനിശ്ശേരി സ്വദേശിനി അനാമിക സുധീപ് എന്നിവരാണ് അറസ്റ്റിലായത്. 4 ഗ്രാം എംഡിഎംഎ യും, 9 ഗ്രാം കഞ്ചാവും ഇവരില് നിന്നും പിടികൂടി
കണ്ണൂര് ടൗണ് ഇന്സ്പെക്ടര് ശ്രീജിത്ത് കൊടേരിയുടെ നേതൃത്വത്തിലാണ് റെയ്ഡ് നടത്തിയത്. കണ്ണൂര് – തലശേരി ദേശീയപാതയിലെ കാപ്പിറ്റോള് മാളിന് സമീപത്തെ ലോഡ്ജില് നിന്നാണ് ഇരുവരെയും അറസ്റ്റ് ചെയ്തത്. ലഹരി വില്പന നടക്കുന്നതായ രഹസ്യവിവരത്തിന്റെ അടിസ്ഥാനത്തില് കമ്മീഷണര് പി. നിധിന് രാജിന്റെ നിര്ദ്ദേശപ്രകാരമായിരുന്നു നഗരത്തില് വ്യാപക റെയ്ഡ് നടത്തിയത്.
