കൊച്ചി: സംസ്ഥാനത്ത് സ്വര്ണവിലയില് വീണ്ടും വര്ധന. പവന് 360 രൂപ കൂടി ഈ മാസത്തെ റെക്കോര്ഡ് വിലയിലേക്ക് എത്തി. ഒരു പവന് സ്വര്ണത്തിന്റെ ഇന്നത്തെ വില 64,520 രൂപയാണ്. ഗ്രാമിന് 45 രൂപയാണ് കൂടിയത്. ഒരു ഗ്രാം സ്വര്ണത്തിന്റെ ഇന്നത്തെ വില 8020 രൂപയാണ്.
ഈ മാസം അഞ്ചിന് റെക്കോര്ഡ് വിലയായ 64,520 രൂപയിലെത്തിയെങ്കിലും വില ഇടിയുന്ന ട്രെന്ഡാണ് കണ്ടത്. എന്നാല് വീണ്ടും റെക്കോര്ഡ് ഭേദിക്കുമെന്ന സൂചന നല്കി അതേ പോയിന്റില് തന്നെ വില എത്തിയിരിക്കുകയാണ്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രതിഫലിക്കുന്നത്.
ജനുവരി 22നാണ് പവന് വില ചരിത്രത്തില് ആദ്യമായി അറുപതിനായിരം കടന്നത്. ദിവസങ്ങള്ക്കകം 64,000 കടന്ന് സ്വര്ണവില കുതിക്കുന്നതാണ് പിന്നീട് കണ്ടത്. നിലവിലെ റെക്കോര്ഡ് ഭേദിച്ച് സ്വര്ണവില 65,000 തൊടുമോ എന്ന ആകാംക്ഷയിലാണ് നിക്ഷേപകര്.
