കണ്ണൂര്: പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ചെന്ന പരാതിയില് പോക്സോ കേസില് യുവതി അറസ്റ്റില്. കണ്ണൂര് ജില്ലയിലെ തളിപ്പറമ്പിലാണ് സംഭവം. പുളിപ്പറമ്പ് സ്വദേശി സ്നേഹ മെര്ലിന് എന്ന 23 കാരിയാണ് പിടിയിലായത്.
12 വയസ്സുള്ള പെണ്കുട്ടിയെ പലതവണ യുവതി പീഡനത്തിന് ഇരയാക്കിയെന്നാണ് കേസ്. പെണ്കുട്ടിയുടെ പെരുമാറ്റത്തില് സംശയം തോന്നിയ അധ്യാപകര് രക്ഷിതാക്കളെ വിവരം അറിയിച്ചിരുന്നു. തുടര്ന്ന് ചൈല്ഡ് ലൈന് അധികൃതര് കുട്ടിക്ക് കൗണ്സിലിങ് നല്കി.
കൗണ്സിലിങ്ങിലാണ് പെണ്കുട്ടി പീഡന വിവരം വെളിപ്പെടുത്തിയത്. തുടര്ന്ന് വിവരം പൊലീസിന് കൈമാറുകയും യുവതിക്കെതിരെ കേസെടുക്കുകയുമായിരുന്നു. സമാനമായ കേസില് യുവതി മുമ്പും പ്രതിയായിരുന്നതായിട്ടാണ് സൂചന.
