കോട്ടയം: അധ്യാപക പുനര്നിയമനത്തിന് കൈക്കൂലി വാങ്ങിയ സെക്രട്ടേറിയറ്റ് ജീവനക്കാരന് വിജിലന്സ് പിടിയില്. സെക്രട്ടേറിയറ്റിലെ പൊതുവിദ്യാഭ്യാസ വകുപ്പ് അസിസ്റ്റന്റ് സെക്ഷന് ഓഫിസര് തിരുവനന്തപുരം പള്ളിക്കല് മൂതല സ്വദേശി സുരേഷ് ബാബുവാണ് അറസ്റ്റിലായത്.
കോട്ടയത്തെമൂന്ന് അധ്യാപകരുടെ പുനര്നിയമനത്തിന് ഒന്നരലക്ഷം രൂപയാണ് കൈക്കൂലി വാങ്ങിയത്. കോട്ടയം വിജിലന്സ് യൂണിറ്റാണ് ഇയാളെ അറസ്റ്റ് ചെയ്തത്.കേസില് വടകര സ്വദേശിയും മുന് പ്രധാന അധ്യാപകനും ഏജന്റുമായ വിജയനെ വിജിലന്സ് നേരത്തെ അറസ്റ്റ് ചെയ്തിരുന്നു.
തീക്കോയി സ്കൂളിലെ മൂന്ന് അധ്യാപകരുടെ നിയമനത്തിലാണ് അഴിമതി നടത്തിയത്. ഫയലുകള് ശരിയാക്കിത്തരാമെന്ന് പറഞ്ഞ് പരാതിക്കാരില് നിന്നും ഒന്നര ലക്ഷം രൂപയാണ് പ്രതികള് കൈക്കൂലിയായി വാങ്ങിയത്.
