എസ്എസ്എൽസി, പ്ലസ് ടു, യു എസ് എസ് പരീക്ഷകളിൽ മികച്ച വിജയം കരസ്ഥമാക്കിയ ഭിന്നശേഷി കുട്ടികളെ അനുമോദിച്ചുകൊണ്ട് വിജയോത്സവം 2025 സംഘടിപ്പിച്ചു.
കിളിമാനൂർ ഗ്രാമപഞ്ചായത്ത് പ്രസിഡന്റ് പോങ്ങനാട് രാധാകൃഷ്ണൻ അധ്യക്ഷനായ ചടങ്ങിൽ കിളിമാനൂർ ബി ആർ സി ബ്ലോക്ക് പ്രോജക്ട് കോഡിനേറ്റർ നവാസ് കെ സ്വാഗതം പറഞ്ഞു. ആറ്റിങ്ങൽ നിയോജകമണ്ഡലം എംഎൽഎ ഒ എസ് അംബിക വിജയോത്സവം ഉദ്ഘാടനം ചെയ്തു. സമഗ്ര ശിക്ഷ കേരളം തിരുവനന്തപുരം ജില്ല പ്രൊജക്റ്റ് കോഡിനേറ്റർ ഡോക്ടർ ബി നജീബ് മുഖ്യാതിഥിയായി. കിളിമാനൂർ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കൊട്ടറ മോഹൻകുമാർ, നാസിമുദ്ദീൻ രാജകുമാരി ഗ്രൂപ്പ് എന്നിവർ ആശംസകൾ അറിയിച്ചു. രക്ഷകർത്താക്കൾ ഉൾപ്പെടെ 150 പേർ പരിപാടിയിൽ പങ്കെടുത്തു.
