തിരുവനന്തപുരം: സെപ്റ്റംബറില് യൂണിറ്റിന് പത്തുപൈസ വീതം വൈദ്യുതി സര്ച്ചാര്ജ് ഈടാക്കാന് കെഎസ്ഇബി. നിലവിലുള്ളതിനേക്കാള് കൂടുതലാണിത്.
മാസംതോറും ബില് അടയ്ക്കുന്നവര്ക്ക് ഒന്പത് പൈസയും രണ്ടു മാസത്തിലൊരിക്കല് ബില് അടയ്ക്കുന്നവര്ക്ക് എട്ടു പൈസയുമാണ് ഓഗസ്റ്റില് ഈടാക്കിയിരുന്നത്. വൈദ്യുതി ഉല്പ്പാദനത്തിനുള്ള ഇന്ധനച്ചെലവ് കൂടിയതിനാല് ജൂലൈയില് ഉണ്ടായ അധികബാധ്യതയായ 26.28 കോടി രൂപ ഈടാക്കാനാണ് സെപ്റ്റംബറിലെ സര്ച്ചാര്ജ്. ഈ കണക്ക് അനുസരിച്ച് യഥാര്ഥത്തില് 12.54 പൈസയാണ് ചുമത്തേണ്ടതെന്നാണ് കെഎസ്ഇബിയുടെ അവകാശവാദം. എന്നാല് 10 പൈസ വരെ ഈടാക്കാനേ റെഗുലേറ്ററി കമ്മീഷന്റെ അനുവാദമുള്ളൂ.
