ചിറയിൻകീഴ്: ‘മാതൃ സ്നേഹത്തിന്റെ രുചിയോടെ’ എന്ന സന്ദേശമുയർത്തി എ എം എൽ പി എസ്സിലെ പെരുംകുളം സ്കൂളിലെ വിദ്യാർത്ഥികൾ വലിയകുന്ന് താലൂക്ക് ആശുപത്രിയിലെ അന്തേവാസികൾക്ക് ഉച്ചഭക്ഷണപ്പൊതികൾ വിതരണം ചെയ്തു. കുരുന്നു കൈകളിൽ നിന്ന് സ്നേഹത്തോടെ നൽകിയ ഉച്ചഭക്ഷണ വിതരണം ആശുപത്രി അങ്കണത്തിൽ വെച്ചാണ് സംഘടിപ്പിച്ചത്.
ചിറയിൻകീഴ് ബ്ലോക്ക് പഞ്ചായത്ത് വൈസ് പ്രസിഡന്റ് അൻസർ പെരുംകുളം, സ്കൂൾ ഹെഡ്മാസ്റ്റർ പ്രവീൺ, അധ്യാപകരായ റീന, കൃഷ്ണരാജ്, പിടിഎ പ്രതിനിധികൾ വിദ്യാർത്ഥി പ്രതിനിധികൾ തുടങ്ങിയവർ ചടങ്ങിൽ പങ്കെടുത്തു. കുട്ടികളിൽ നന്മയും സഹജീവി സ്നേഹവും വളർത്തിയെടുക്കുന്നതിനായി സംഘടിപ്പിച്ച ഈ മാതൃകാപരമായ പ്രവർത്തനം ഏറെ ശ്രദ്ധേയമായി.
